linear مطلوب مساعده

**HaMooooDi** · 07-02-2009, 06:58 PM

عنجد كلامك المادة مو سهلة هي صعبة وصعبة جدا بس اول وحدة هي الي سهلة

وطبعا المادة سهولة او صعوبة المادة بتعتمد على الدكتور الي منزليتها عندو تاني اشي على الحضور والدراسة اليومية لأن المادة كبيرة وفيها معلومات كتييييير

وبالعكس مادة اللينير ما فيها شي بلزم بموادنا بالهندسة الصناعية واعتقد كمان في كل الهندسة ما بتلزم كتير علشان هيك في الخطة الجديدة في الهندسة الصناعية تم ازلة مادة الجبر الخطي

بالنسبة ل امتحانات سابقة المادة حاليا غير متوفرة ان شاء الله على السكند بقدر بنحاول ندبر

تحيااتي ....

**rozey** · 07-02-2009, 07:07 PM

مشكوور كتيير صراحه انا دكتوري ما حد طمني عنو هو د عبد العزيز حمد
كمان لو بتقدر انك تجيب حلول ل اسئله الكتاب بكون مشكورة الك
وعلى كل يسلمو اديك

**HaMooooDi** · 07-02-2009, 07:18 PM

الله يعينك عن جد الدكتور مش سهل بس لازم تحاولي تجيبي اعلى علامة ممكنة بالفيرست لأنو المادة بتبلش بعد السكند ولو اي شي ما فهمتي ممكن تحفظيه حفظ بعدين المادة اصلا فيها شغلات كتير على الخطوات يعني اذا التزمتي بخطوات معينة بتوصلي للحل يعني المادة صارت حفظ

والله الموفق

**rozey** · 07-02-2009, 07:23 PM

ليش حاسه انك عم بتعجزني انا اصلا مو فاهمه الفيرست وامتحاني سبت
وللعلم ما بعرف احفظ راح احاول افهم المادة والله يستر

**HaMooooDi** · 07-02-2009, 08:16 PM

لا مش تعجيز ولا اشي بس هاي هي الحقيقة المرة وانا حكيتلك الدكتور مش سهل وبديش احكي عنو اشياء تانية لأني اخدت معو كالكولاس 2 بالزمانات وبعرفو منيييييييييييييييييييح

معك اسبوع مادة الفيرست بتقدري تفهميها مهي كلها مصفوفات واكيد اخدتيها بالنيوماريكال صح ؟؟؟ شوية تعب عليها بتنفهم

وبالتوفيق .......................

**المتمردة** · 07-02-2009, 11:18 PM

الله يعينك انا كمان اخدت عنده كالكيولس 2 من الاخر
ما بدي اهبط معنوياتك الفاينال موحد وديري بالك وموفقة
الى الامام

**rozey** · 07-03-2009, 09:51 AM

شكرا بس انا ما اخدت تحليلات عدديه (نيوماريكال) والسبت يعني بكرة الامتحان وانا عم بدرس فيها
هي زنخه كتير المادة
ما بعرف اكيد هلا معنوياتي وصلت الارض اخرى شوي والله يستر لاني مش حابه احمل المادة

**HaMooooDi** · 07-03-2009, 06:29 PM

بس علشان رفع المعنويات

انا لم اخذت المادة جبت بالفيرست 17\25 وبالسكند 11\ 25 وعلى زمانا ما كانو موحدين وعند فواز ابو دياك يعني اسئلة من الاخر وبس حسيت بالخطر ومجرد فكرة انو تعيدي اللينير رح تخليكي تدرسي ... على الفاينال ما خليت سؤال بالكتاب الا وحليتو والامتحان موحد كان ايامها الفاينال عندي بس لينير جبت بالفاينال 41\50 وفي الاخر نزلت 69

تعرفي كم واحد حمل المادة بالشعبة ؟؟؟ 19 من 51

**ahmad f** · 07-06-2009, 05:33 PM

أعوذ بالله من الlinear !!!

مادة قاسية جداً وصعبة وخاصة مادة الـ second لأنه مادة الفيرست سهلة...

بس كله كوم لسا والفاينال كوم... الفاينال بحطوا أبو دياك من الفضاء الخارجي...

بس ممكن تجيبي فيها علامة لأني أنا جبت 82... بس على شرط افهميها فهم مش حفظ...

**God Slave** · 07-07-2009, 11:53 AM

والله يا شباب انا حاس انكم ضايعين كتير
انا والاخ حموده دخلنا الفاينال واحنا مجمعين 25 و26 من 50 طبعا
لكن بيوم الفاينال الله ساعدنا وكان الامتحان على ال4 وضلينا ندرس حتى استوعبنا كل شي
والحمد لله مليون مرا كل ثانية
نزلتلنا 65 و66 على التوالي
يعني المادة في مجال تنفهم لكن بدها شوية تعب وجدية
وكمان يا حموده هاي المادة بنحتاجها في القسم بكثرة مثلا في التحليلات العددية وبحوث العمليات or
فالرجاء التركيز عليها شوي لانها بجد مادة خطيرة
ونصيحة اول عن اخر ما في مهندس غبي
وما بالكم لو كان المهندس مهندس صناعي
يعني اكيد اكيد اكيد مش رح تكون عقبة بوجه اي مهندس صناعي انشالله

**rozey** · 07-10-2009, 10:30 AM

هههههههههههههههه لا هلا صار رفع معنويات عنجد
انا الحمد الله بفهم الماده بس بدات تصعب انا متفائله
ومش مهم العلامه بس حلو انو مع انو المادة صعبه لكن كلكم كنتو تفهموها
انا سمعت انها مهمه وانشاء الله منزبط فيها وازا لا عادي ..... بلاش وشكرا كتير

**God Slave** · 07-11-2009, 11:31 AM

ههههههههههههههههههههه
يا ستي انشالله تزبطي فيها كمان كتير
لا يأس مع الحياة ...... ولا حياة مع اليأس
تحياتي

**the brince** · 07-11-2009, 11:41 AM

انا رايي روح اسحب الماده وريح حالك

**the brince** · 07-11-2009, 11:46 AM

انا اخدتها عندو جبت بالفيرست 16/25 وبالسكند 14/25
حكيت لحالي لو اجى الفاينل من كوكب المريخ رح انجح بس شكلو اجى الفاينل من كوكب ما اكتشفوه للوقت الحاضر طبعا حملتها 37

المواضيع	إحصائيات	آخر مشاركة
مشروع تخرج تأهيل شركة لمطابقة متطلبات إدارة الجودة iso 9001:2015 بواسطة HaMooooDi أنشئ بواسطة HaMooooDi, 03-23-2024, 11:27 PM	ردود 0 115 مشاهدات 0 معجبون	آخر مشاركة بواسطة HaMooooDi 03-23-2024, 11:27 PM
مشروع تخرج تمكين المستقبل المستدام من خلال إعادة تدوير بواسطة HaMooooDi أنشئ بواسطة HaMooooDi, 03-23-2024, 11:21 PM	ردود 0 82 مشاهدات 0 معجبون	آخر مشاركة بواسطة HaMooooDi 03-23-2024, 11:21 PM
مشروع تخرج دراسة لتصميم مخطط خط تجميع الغسالات بواسطة HaMooooDi أنشئ بواسطة HaMooooDi, 03-22-2024, 11:01 PM	ردود 0 47 مشاهدات 0 معجبون	آخر مشاركة بواسطة HaMooooDi 03-22-2024, 11:01 PM
مشروع تخرج خط إنتاج البلوك الذكي الجديد لمصنع الطوب بواسطة HaMooooDi أنشئ بواسطة HaMooooDi, 03-22-2024, 10:50 PM	ردود 0 49 مشاهدات 0 معجبون	آخر مشاركة بواسطة HaMooooDi 03-22-2024, 10:50 PM

linear مطلوب مساعده

linear مطلوب مساعده

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

المواضيع ذات الصلة