ليلة رومانسية على الطريقة الاردنية

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ليلة رومانسية على الطريقة الاردنية

    ليلة رومانسية على الطريقة الاردنية
    خلف فجأة:ولك يا قردة ناسية انو مثل هاد اليوم قبل سنتين كان اول مرة بشوف سنحتك وبنحب بعض, يعدمني ذوقك شو ناسية.


    شفيقة: والله جد ولك تفو عليك شو بحبك , بعدك متذكر يا مقلعط؟


    خلف : هووووه , هو الي بشوف هالشكل الي بقطع الرزقة بنساه؟

    - شفيقة:هاهاههاهاهاهاها يلعن شكلك شو حكياتك حلوين وهاد الي معلقني فيك , تتذكر اول مرة تلقينا ؟

    - خلف :هههههههه هو انا بنسى؟ ,, يوم ما حطتلك رجل وانتي ماشية مع امك وقلبتي على بوزك؟


    - شفيقة:ولك الله يقطعك شو رومانسي , كيف هيك تجرأت واتخذت هاي الخطوة الجريئة؟ , جد انا بحب الشب المبادر والقلبو قوي


    - خلف :يالله عاد هسه بدك تكبري راسي وتظلك تمدحي فيي؟ ,, انتي كمان بزقتي علي يومها تتذكري؟ , والله ما بنسى بزقتك وهي بتتدلى على وجهي وبتنزل شوي شوي ,, يومها عنجد عرفت انك بتحبيني ..

    ... شفيقة:آه والله يا خلوفتي انا ما بزقت عليك الا لأني بحبك,,


    .يا قلبي انتي خلف :

    -حياتي . شفيقة:

    - طيب تتذكري يوم العرس؟ خلف :

    - شفيقة:ههههههههههه ما بنساه ,, يلعن شكلك --- لو كنت بحبك مرة صرت أحبك ألف مرة بعد هداك اليوم , يوم ما اقترحت علي انو نتقاتل والي يقتل الثاني 3 مرات هو الي بنام عالارض والفايز بنام عالتخت .


    - خلف :يالله يومها شو انبسطت , بس صحيت ثاني يوم مكسره عظامي من النومه عالارض .


    شفيقة:ماهو يا خلف انا بطحتك 5 مرات .

    خلف :- لا والله بس بطحتيني عالارض 4 مرات ,, آخر وحدة مش محسوبة.

    - شفيقة:كيف مش محسوبة بطحتك المرة الخامسة لما دعست على رقبتك ناسي؟

    - خلف :هو هووو علينا خلص مو مشكلة يا ستي بطحتيني خمس مرات ,, هسه ما تظيعي علينا الاحتفال بهاي الليلة الي ما بتتعوض .


    - شفيقة:والله معك حق , خلص شو رأيك انا اليوم رح اخليها ليلة رومانسية بشكل ,,


    خلف :- شو رح تعملي؟


    شفيقة:انت ما عليك بس حضر الشمع واشعله وسكر الضواو وهسه باجي .

    وما ان اشتعل الشمع الا وخرجت شفيقة من المطبخ حاملة صحن كبييييييير مجدرة ,, فإنغمرت عيون خلف بالدموع فرحا , حمد ربه ووعد شفيقة بأن يبقى مخلصا لها ..
    فما كان من شفقية الا ان طلبت منه بوسه ,, فلما لفلها خده عضت أذانه فضحك وضحكت ,,
    وبقيو على الطاولة يأكلون المجدرة لأخر الليل ,, ويقال انهم الى الان ياكلون بالمجدرة

    وتوتة توتة خلصت الحدوتة

  • #2
    ههههههه
    شكـــراً " ابو الغالب"

    تعليق


    • #3
      ثانكس ابو غالب


      ههههه ولله حلوه عجبتني وبدي اعملها عل ايميل رساله للكل .:d.... بعد ازنك يعني ;)

      تعليق


      • #4
        انت من وين نقلت هالقصة الرومانسية شي مش طبيعي

        تعليق


        • #5
          شكرا كتير عالقصة من اولها للاخر ونا اضحك:)

          تعليق


          • #6
            ههههههههههه

            ههههههههه

            بتفقع ضحك

            يسلموو ايديك يا ابو الغالب وحلى تقييم لحضرتك
            وبالنظار ابداعاتك

            تعليق


            • #7
              [align=center]
              مشكور

              موضوع رائع وجميل جدا

              تحياتي

              nepow

              دولة فلسطين
              [/align]

              تعليق


              • #8
                يسلموووووووووووووووووو عالمرور

                تعليق

                المواضيع ذات الصلة

                تقليص

                لا توجد نتائج تلبي هذه المعايير.

                يعمل...
                X